Утрински Весник
Свет

Утре ќе се носи одлука дали Асанж ќе биде екстрадиран во Америка

Asanzh.png

Високиот суд во Лондон утре ќе донесе пресуда дали основачот на Викиликс Џулијан Асанж може да поднесе жалба против екстрадицијата во САД.

„Тоа е тоа. Одлуката ќе биде донесена утре“, напишала неговата сопруга Стела Асанж на социјалната мрежа „Х“, пренесува Ројтерс.

САД бараат екстрадиција на Асанж поради објавувањето на тајните воени досиеја во 2010 и 2011 година, а Врховниот суд на ОК одлучи дека Асанж треба да биде екстрадиран, отфрлајќи ги тврдењата дека тој може да изврши самоубиство во американски затвор поради лошо ментално здравје.

Асанж во САД е обвинет за 17 точки за шпионажа, а доколку биде осуден може да добие и до 175 години затвор, според тврдењата на неговите адвокати. Американските обвинители, меѓутоа, тврдат дека казната нема да биде подолга од 63 месеци.

Во 2010 година, порталот на Асанж „Викиликс“ објави видео од американската армија, на кое се гледаат десетици луѓе убиени во напад на хеликоптери „Апачи“ во Багдад во 2007 година, меѓу кои и двајца новинари на Ројтерс.

Можете да прочитате

Њујорк тајмс: Нетанјаху го откажа одмаздничкиот напад врз Иран по телефонскиот разговор со Бајден

Околу 20.000 свињи загинаа во пожар на фарма во Германија

Вонреден состанок на министрите за надворешни работи на ЕУ во вторник поради нападот на Иран врз Израел