Од 16:05 часот укината е забраната за движење за тешки товарни возила на патниот правец Маврово – Дебар, соопшти АМСМ. Забраната беше воведена денеска од 5.45.
Претходно, како што соопшти ЈП „Македонија пат“, од 14.30 часот беше укината и забраната за сообраќај на тешки товарни возила на патниот правец Гостивар – Стража – Кичево.
Од 09.20 часот поради врнежи од снег, е воведена забрана за сообраќај за тешки товарни возила и автобуси на патниот правец крак Шипковица-Попова Шапка.
Како што информира ЈП „Македонијапат“, врнежи од снег има во Крушево, на Попова Шапка и во Маврово и на планинските превои Стража, Пресека, Буково и Ѓавато.
