Арсенал не успеа да слави победа на „Емирати“ против Њукасл. Гостите успеаја да го запрат опасниот напад на Микел Артета и да одиграат без голови на овој дуел. Сега „топчиите“ имаат 44 бода, осум повеќе од Манчестер Сити кој има и еден натпревар помалку.
Арсенал имаше неколку убави шанси, Нкетија во финишот ја пропушти најубавата можност, откако Поуп го одбрани неговиот удар.
Александар Митровиќ го постигна победничкиот погодок за Фулам (0:1) на гости против Лестер, а Брајтон беше убедлив (1:4) на гости кај Евертон. Митома, Фергусон, Марч и Грос беа стрелци за Брајтон на овој дуел.
