Европската фудбалска федерација (УЕФА) се соочува со потенцијална тужба од компанија од Чиле за новодна повреда на авторските права поврзани со новиот концепт на Лигата на шампиони.
Елитното европско клупско натпреварување од минагата сезона се игра во нов формат кој се покажа како многу успешен, но сега раководството на УЕФА се соочува со потенцијална тужба за повреда на авторски права.
Според светските медиуми, чилеанската компанија „MatchVision“ предводена од нејзиниот основач Леандро Шара тврди дека УЕФА им ја украла идејата и ја претставила како авторска.
Чилеанската компанија тврди дека новиот модел на ЛШ е заштитен со авторски права од 2006 година и оти комапнијата го претставила концептот на неколку спортски саеми уште во 2013 година .
Медиумите наведуваат дека УЕФА има рок од 20 денови официјално да се изјасни за овој случај во кој компанијата бара 20 милиони евра отштета.
Спорот се води во судот во Лозана, а раководството на УЕФА ги негираше овие обвинувања и е подготвено да се брани на суд.
