По дестиците пријави за закани од страна на ученици, министерот за внатрешни смета дека тоа е рефлексија на случувањата во нашето соседство.
Коментирајќи ги заканувачките пораки на ученици во нашите училишта, Спасовски рече дека за секој еден случај се постапува. Информира дека засега не пронашле сериозност во пораките, но дека превентивно се постапува и се преземаат потребните акции за секој случај.
-За секој случај кој што е идентификуван за секој се реагира, се постапува со социјалните служби, со раководството на училиштата, родителите во истиот момент и засега немаме состојба која укажува на сериозност во намерата да биде преземено било што, меѓутоа превентивно во секој момент кога ќе дознаеме било каква информација веднаш реагираме, тврди министерот.
Апелираше до родителите и до учениците за сериозно и одговорно однесување, а на раководставта на училиштата им порача да го подигнат степенот на одговорност и внимание.
