Утрински Весник
Свет

Туск: Почна нова ера на војни во Европа

Tusk.webp.webp
Ss2

Премиерот на Полска, Доналд Туск изјави дека руската инвазија врз Украина пред помалку од две години вовела нова ера на војни во Европа.

– Знам дека звучи депримирачки, особено за помладата генерација, но мораме да се навикнеме на фактот дека почна нова ера: предвоената ера. Не претерувам, секој ден станува се појасно. Не сакам никого да плашам, но војната повеќе не е концепт од минатото. Таа е реална и почна пред повеќе од две години изјави Туск за германскиот весник „Велт“.

Ss1

Тој додаде дека „во моментот најзагрижувачко е тоа што буквално секое сценарио е можно. Не сме виделе ваква ситуација од 1945 година“.

Туск наведе дека е сведок на револуција во европскиот менталитет.

– Никој повеќе не ја доведува во прашање потребата од заедничка одбрана. Погледнете ја Германија, каде што се случи огромен пресврт. Денес, ЦДУ и ГСДП се натпреваруваат кој од нив е попроукраински, истакна Туск.

Тој повика и на поконзистентна заштита на надворешните граници на ЕУ.

– ЕУ во целина, како моќна организација, мора да биде ментално подготвена да се бори за безбедноста на нашите граници и територија, посочи Туск.

Рано утрово полските и сојузничките авиони беа ставени во состојба на готовност откако Русија изврши ракетни напади врз Украина.

Ss1

Можете да прочитате

Орбан: Западот е на чекор од испраќање воени единици во Украина, Брисел си игра со оган

Нетанјаху најави „уште поболни напади против Хамас“

Пленковиќ и Мицотакис можни наследници на Фон дер Лајен