Турција планира да го одобри влезот на Финска во НАТО во наредните денови. Анкара планира да го повлече потегот пред парламентарните и претседателските избори на 14 мај, изјавија двајца турски претставници за „Ројтерс“.
Финскиот претседател Саули Ниинисто в петок ќе ја посети Турција за да разговара за ова прашање со претседателот Таип Ердоган.
„На средбите во Истанбул ќе се разговара за билатералните односи, како и за барањето на Финска за членство во НАТО“, соопштија од кабинетот на турскиот претседател.
Шведска и Финска аплицираа за приклучување кон трансатлантскиот воен сојуз минатата година откога руските сили ја нападнаа Украина. Сите 30 земји од НАТО мора да ги ратификуваат барањата, а Унгарија и Турција сè уште не го сториле тоа.
