Германскиот стручњак Томас Тухел повеќе не е менаџер на Челзи. На официјалниот сајт на „сините“ тие му се заблагодарија на Тухел, порачаа дека со право ќе има место во историјата на Челзи како освојувач на Лигата на шампионите, Суперкупот на Европа и Светското клупско првенство и додадоа:
„Сините“ лошо влегоа во новата сезона, имаат два порази во Премиер лигата, а капката што ја прели чашата беше поразот од Динамо Загреб во првото коло од Лигата на шампионите. Во Премиер лигата имаат десет бода од шест кола.
„Поминаа речиси 100 дена од доаѓањето на новото раководство, новите сопственици веруваат дека сега е вистинското време да се направи оваа промена“, стои во дел од клупското соопштение.
Исто така, се наведува дека клубот нема да се огласува додека не најде нов менаџер.
Некои медиуми во Британија велат дека менаџерот на Брајтон, Греам Потер е еден од главните кандидати за испразнетото место, но се уште е рано да се прогнизира кој ќе го наследи Германецот.
