При интервенција на полицијата пред Јавното претпријатие, Комунална хигиена повредени се тројца вработени, соопшти синдикатот.
Вработените не дозволуваа камионите за чистење на смет да ја поминат капијата и легнаа на земјата, по што интервенираа специјалци и ги тргнаа демонстрантите на страна, пропуштајќи ги возилата.
Од синдикатот велат дека решението не е на ваков начин, туку преку дијалог. Направиле неколку обиди да стапат во контакт со директорката Косана Мазнева, но обидите поминале безуспешно. Последниот обид бил денес, кога им кажала дека ќе ги контактира.
Главниот револт на вработените, како што посочија од Синдикатот, е покачувањето на платите, К-15 и бенифициран стаж. Од тука се извинија за неподигнатиот смет и повикаа на разбирање од скопјани за проблемите на вработените.