Три лица се повредени во тешка сообраќајна несреќа која се случи на регионалниот пат село Караорман – Штип. Од СВР Штип информираат дека на терен се полициски службеници и во тек е увидот на местото на несреќата.
За да интервенираат во извлекување на повредените од возилото биле повикани и пожарникари. Повредените се пренесени во штипската Клиничка болница за укажување лекарска помош.
Од СВР-Штип најавија повеќе детали во текот на утрешниот ден.
Регионалниот пат село Караорман – Штип е затворен за сообраќај од 19.35 часот. Тој дел од патот каде што се случила сообраќајката, помеѓу општините Штип и Карбинци, е познат како црна сообраќајна точка бидејќи често се случуваат несреќи.
