Три лица се убиени, а седуммина се ранети во денешниот воздушен напад врз куќа во близина на сирискиот пристанишен град Баниас. За нападот се верува дека го извршил Израел, јави ДПА, повикувајќи се на свои извори во локалната болница.
Според Сириската опсерваторија за мониторинг на човекови права со седиште во Лондон, во куќата имало членови на проиранска милиција.
Израелските воздухопловни сили постојано бомбардираат цели во Сирија за да го спречат ширењето на военото влијание на иранските борци во земјата, забележува ДПА.
