Само заедно со прифаќање на различноста на секој од нас можеме да бидеме посилни како општество. Македонија е мултиетничка и мултикултурна држава, токму оваа Влада од 2017 па наваму го промовира концептот – Едно општество за сите и токму тоа не прави уникатни“ изјави министерката за труд и социјална работа и политика Јованка Тренчевска, на конференцијата „ Различностите, благослов или проклетство“.
Таа истакна дека Владата верува во вредностите на толеранција и инклузија како и во можноста секој поединец да одлучува во општеството. Министерката посочи дека како социјал-демократска Влада политиките и законите ги креираат водејќи се од праведноста, еднаквоста и солидарноста.
„Министерството за Труд и Социјална Политика има големо портфолио на надлежности, а таму е проткаено и прифаќањето на различностите. Тука спаѓа и социјалната инклузија и лицата со попреченост, во нашата работа го земаме еднаквиот пристап кон сите граѓани“ посочи Тренчевска.
Таа го истакна и Законот за заштита и спречување од дискриминација кој што посочи дека е усогласен со сите Европски стандарди за да може да се обезбеди заштита на сите граѓани кои сметаат дека имаат нееднаков третман во општеството.
