На самитот во Прага, кој се одржа вчера во рамките на концептот на европската политичка заедница, присуствуваа премиерката на Велика Британија, Лиз Трас, и претседателот на Франција, Емануел Макрон. Се сретнаа и разговараа.
Трас изјави дека францускиот претседател е пријател на Велика Британија откако во текот на летото изјави дека функционерите во нејзината земја се поделени за тоа дали францускиот претседател е пријател или непријател, пренесе „Ројтерс“.
„Соработуваме многу, многу тесно со претседателот Макрон и со француската влада и она за што разговараме е како Велика Британија и Франција може поблиску да соработуваат за да изградат повеќе нуклеарни централи и да обезбедат двете земји да имаат енергетска безбедност во иднина“, рече Трас.
Трас на прашањето дали францускиот лидер ѝ е пријател, таа одговорила потврдно.
„На двајцата ни е многу јасно дека непријателот е Владимир Путин, кој ги загрози слободата и демократијата во Европа со својата страшна војна во Украина и ги зголеми цените на енергијата“, продолжи Трас.
Макрон рече дека е задоволен што Трас им се придружила на другите европски лидери.
„Многу ми е драго што се сретнав со Лиз Трас во Прага“, рече тој на прес-конференцијата по самитот на земјите од ЕУ и земјите што не се членки на ЕУ.
