Американскиот претседател Доналд Трамп, во објава на мрежата Truth , му порача на Иран дека ништо нема да остане од земјата доколку иранските лидери не преземат одредени чекори.
„Времето истекува за Иран и подобро е да побрзаат, брзо, или нема да остане ништо од нив. Времето е од суштинско значење“, напиша Трамп.
Трамп треба да се сретне со своите врвни советници за национална безбедност во вторник за да разговараат за опциите за воена акција против Иран, објави „Аксиос“ , повикувајќи се на двајца американски претставници.
Главниот преговарач на Иран и претседател на парламентот, Мохамед Багер Калибаф, се сретна со пакистанскиот министер за внатрешни работи, Мохсин Накви, кој изрази надеж за завршување на преговорите меѓу САД и Иран.
