Утрински Весник
Свет

Трамп размислува да ја предложи Ники Хејли за потпретседател на претстојните избори

Trump Carolina.webp.webp

Изборниот штаб на Доналд Трамп ја разгледува можноста неговата ривалка за републикански кандидат на претседателските избори во САД, Ники Хејли, да биде номинирана за потпретседател, објави денеска новински сајт „Аксиос“.

Трамп би ја избрал Хејли доколку е убеден дека таа ќе му помогне да победи на претседателските избори, да избегне да биде осуден и да оди во затвор, како и да ги покрие десетиците милиони долари правни трошоци доколку загуби, пренесува БТА.

Хејли, поранешна гувернерка на Јужна Каролина и поранешен постојан претставник на САД во Обединетите нации, во март се повлече од трката за номинација на Републиканската партија за претседателски кандидат.

Таа рече дека Трамп, кој постојано ја омаловажуваше нејзината кандидатура, најверојатно ќе биде републикански кандидат, но јавно не го поддржа.

Можете да прочитате

(ВИДЕО) Судир меѓу демонстрантите и полицијата во Тел Авив: Толпата побара оставка од Нетанјаху

Во лавини во Швајцарија за време на зимската сезона загинаа 23 лица

Зеленски ги покани светските лидери да учествуваат на мировниот самит во Швајцарија