Поранешниот американски претседател Доналд Трамп потврди дека поднел жалба против одлуката на поротата на федералниот суд на Менхетен, која во вторникот го прогласи за одговорен за сексуално злоставување и клеветење на новинарката и колумнистка на списанието ЕЛ, И. Џин Керол и ѝ досуди пет милиони долари отштета.
Во 1990-тите, Доналд Трамп сексуално ја злоставувал новинарката И. Џин Керол, а потоа ја клеветел нарекувајќи ја лажга, одлучи поротата со што и се нанесе удар на кампањата на Трамп за претседателска номинација на Демократската партија.
За време на граѓанскиот судски процес, Керол (79) сведочеше дека Трамп (76) ја силувал во стоковната куќа Бергдорф Гудман на Менхетен во 1995 или 1996 година, а потоа и нанел штета на нејзината репутација објавувајќи ја неговата верзија за тие сексуални престапи која, според неа, е „целосна измама и лага“.
