Американскиот претседател Доналд Трамп верува дека војната со Иран наскоро ќе заврши , додека Техеран вели дека американската дипломатија не успеала.
Претседателот на иранскиот парламент, Мохамед Багер Калибаф, рече дека пристапот на Трамп претставува закани, прекршени ветувања и, како што тврди тој, лажни вести. Во исто време, шпекулациите за здравјето на врховниот лидер на Иран, Моџтаба Хамнеи, се интензивираа по обвинувањата дека тој не се појавил во јавноста откако ја презеде функцијата.
Нови тензии се пријавени и на Арапскиот Полуостров. Во напад на Хутите врз саудискиот регион Наџран се повредени 11 цивили, соопшти коалицијата предводена од Ријад. Во меѓувреме, беа пријавени експлозии во базите на силите сојузнички со Саудиска Арабија во Јемен.
Седмата рунда израелско-либански преговори во Рим заврши без конечен договор. Вашингтон ги оценува разговорите како позитивни, но Израел и Либан сè уште немаат договор за проширување на областа за спроведување на договорот.
