Хрватската полиција на Истра утринава, околу 6.о5 часот од Итната медицинска помош добила пријава дека на дете во Медулин му е потребна лекарска помош.
И покрај напорите на здравствените работници, детето починало и е пренесено во болницата во Пула на обдукција, јавува „Гласот на Истра“.
Полициски службеници ги утврдуваат околностите за настанот.
Петгодишното девојче е државјанин на Чешка, кое живеело со родителите во Медулин. Тие беа лоцирани во поширокиот центар на градот. Утрово, нешто пред 6 часот, била повикана итна помош бидејќи на детето му се слошило, а тие веќе побарале лекарска помош поради здравствените проблеми на девојчето.
По пристигнувањето на брзата помош и покрај вонредните напори на лекарите и применетите реанимациски процедури, на девојчето не можело да му се помогне и кај него била констатирана смрт.
Портпаролката на ПУ на Истра, Сузана Сокач, изјави дека е отфрлено секое сомневање за насилна смрт и кривично дело.
