Хрватскиот фудбалски прволигаш Хајдук Сплит денеска славеше против унгарскиот МОЛ Фехервар со 5:2 во пријателски натпревар. Мајсторски гол од корнер за сплитските „бели“ постигна македонскиот интернационалец Александар Трајковски. Натпреварот се играше во четири дела од по 30 минути, а Трајковски ја погоди противничката мрежа во 104. минута. За унгарскиот тим настапи уште еден македонски репрезентативец, Никола Серафимов кој беше стартер во редовите на МОЛ Фехервар.
