Германскиот стратег Томас Тухел е заинтересиран да го преземе кормилото на англиската фудбалска репрезентација. Тој пред еден месец доби отказ од Челси, откако помина година и пол во клуб и освои три трофеи, вклучувајќи ја и Лигата на шампионите.
По поразот од Динамо во Загреб, Челси одлучи да му даде отказ.
Во моментов Англија ја предводи Герет Саутгејт, кој е селектор веќе шест години. Тој неодамна беше силно критикуван откако репрезентацијата испадна во Лигата Б од Лигата на нации.
Договорот на Саутгејт со англиската федерација трае до 2024 година, но се зависи од резултатите на Англија на Светското првенство во Катар.
Англичаните се во група со САД, Иран и со Велс.
