19-годишно момче е обвинето за помагање на илегална имиграција, откако четворица мигранти ги загубија животите обидувајќи се да го преминат Ла Манш. Гумениот чамец со кој патувале почнал да тоне.
Еден од четворицата загинати во трагедијата е тинејџер, соопштија регионалните власти. Британски рибарски брод успеал да спаси 39 мигранти, меѓу кои 12 деца.
Полицијата денеска соопшти дека осомничениот, идентификуван како Ибрахим Бах (19), без фиксна адреса, бил обвинет за помагање за нелегален влез во Обединетото кралство.
Тој ќе се појави на суд во понеделник во Фолкстоун, на југот на Англија, додаде полицијата.
Бродската несреќа се случи на околу една година по претходната бродска несреќа во која загинаа 27 мигранти обидувајќи се да стигнат до британските брегови.
