Утрински Весник
Магазин

„Тик-ток“ повторно официјален партнер на Евросонг

„Тик-ток“ повторно официјален партнер на Евросонг

„Тик-ток“ ќе биде официјален партнер на Изборот за песна на Евровизија втора година по ред, откако Европската радиодифузна унија (ЕБУ) ја избра платформата за пренос на натпреварот во живо, како и за објавување ексклузивни настапи и содржини зад сцената.

dobivaj vesti na viber

Објавата уследи откако британскиот парламент во четвртокот соопшти дека ќе ја блокира апликацијата во сопственост на Кина на своите уреди и мрежи поради безбедносни причини.

Мартин Остердал, извршен супервизор на ЕБУ за Евросонг, изјави: „Mилиони нови евровизиски фанови го открија настанот преку „Тик-ток“ минатата година и знаеме дека милиони други ќе бидат возбудени за овогодинешниот специјален настан во Ливерпул“.

„И натпреварувањето Евросонг и Тик-ток нудат меѓународна платформа за откривање свежа нова музика и уметници и, со нетрпение очекуваме да работиме заедно за да создадеме повеќе големи хитови во 2023 година,“ додаде тој.

„Тик-ток“ е партнер и со Visit Liverpool, откако британскиот град беше избран да биде домаќин на натпреварот во име на минатогодишниот победник Украина, каде не може да се одржи поради моментната ситуација.

Апликацијата ќе промовира слотови за автобуси во градот и ќе известува од „Евровизиското село“ – официјалната фан-зона,  од 12 мај од 18:30 часот.

Можете да прочитате

Трет Toп Ган: Том Круз повторно ќе го глуми Маверик

Принцот Хари наскоро патува во Британија, а овојпат со него би можела да биде и Меган

Синот на Мајкл Даглас и Кетрин Зета Џонс тргна по стапките на славните родители