Најголемата организирана навивачка група на Милан, „Курва Суд“ му изрази поддршка на клупската легенда Паоло Малдини, кој доби отказ од функцијата директор на „росонерите“. Интересно е што некогашниот одличен дефанзивец се скара со некои од најжестоките навивачи на миланскиот гигант кога стави крај на фудбалската кариера, но се чини дека симпатизерите навистина му простија.
Тие ја почитуваат неговата досегашна работа во раководството на клубот.
„Во врска со настаните од последните неколку дена, би сакале да изразиме искрена благодарност до Паоло за сработеното низ годините. Обновата на нашата релација, која беше прекината на денот на неговото збогување со фудбалот, беше дефинитивно најубавиот настан на нашето заедничко патување во последните неколку сезони, што му овозможи на Милан да го врати успехот во Италија и да биде конкурентен во Европа.
Значителен дел од овие достигнувања дефинитивно мора да се припише на Паоло и неговата неуморна работа, која отсекогаш била обележана со неговата љубов кон нашите бои. Отказот никогаш не може да ја избрише историјата на Паоло Малдини со „росонерите“, бидејќи тој беше одличен капитен на теренот и модел на „миланиста“ за сите нас. Нема да навлегуваме во детали за одлуките што ги носи управата, бидејќи не е наше место да ја оценуваме работата на директорите, тренерите и играчите. Ги кажавме нашите мисли јасно преку транспарент на нашиот последен првенствен натпревар“, се вели во соопштението на најверните тифози на Милан.
🚨 Curva Sud Milano on Instagram
“A significant part of these achievements must certainly be attributed to Paolo and the tireless work he has carried out, always marked by his love for our colors. A dismissal can never erase Paolo Maldini’s Rossoneri history, as he was a great… pic.twitter.com/KOMohcG7zS
— Milan Posts (@MilanPosts) June 6, 2023
