30-годишен маж од крушевско е тешко повреден откако со возилото што го управувал излетал од патот, соопшти полицијата.
Имено, денеска во раните утрински часови поточно во 00.24 часот во СВР Битола е пријавено дека на пат од с.Вашарејца и с.Бучин, во близина на крстосницата кај с.Свето Тодори, В.Б.(30) од с.Врбоец, крушевско, кој управувал патничко возило „рено меган“ со прилепски регистарски ознаки, изгубил контрола и со возилото излетал од патот.
Во несреќата со тешки телесни повреди се здобил В.Б., констатирани Клиничката болница Битола.
За случајот, како што соопшти полицијата бил еизвестен Јавен обвинител, а увид на местото на несреќата извршила екипа од СВР Битола.
