Тешка сообраќајна несреќа се случи денеска во скопската населба Аеродром, на булевар „Србија“, каде патничко возило марка „Ауди А5“ излетало од коловозот и се забило во дрво на средишниот дел од булеварот дознава 24инфо.
Според првичните информации, ударот бил силен, а возилото завршило во зеленилото што го дели булеварот. Засега нема официјални информации за евентуални повредени лица или причините за несреќата.
На местото на настанот веднаш пристигнала полиција, која врши увид и ги утврдува околностите под кои дошло до сообраќајката.
