Терористички напад се случи денеска на автопатот кај израелскиот град Ашдод во кој животот го загуби полицаец на возраст од околу 30 години, неколку лица се ранети, а напаѓачот е „неутрализиран“.
Тајмс оф Израел“ наведува дека терористот дошол пеш на автопатот, а не се знае дали се приближил до полициското возило кое било во лентата за застанување или пак возилото застанало за да го испраша што прави таму.
Напаѓачот пукал од пиштол и го ранил полицаецот, кој подоцна починал од здобиените повреди.
Се наведува дека после тоа терористот почнал да пука во цивили во возилата што минувале, а бил „неутрализиран“ од вооружен цивил кој го запрел автомобилот и го убил напаѓачот.
– Возев и видов вооружен маж како стои на патот. Прво мислев дека е полицаец, но потоа пукаше кон мене. Се наведнав, скокнав од возилото, извадив пиштол и го застрелав – изјави цивилот, кој волонтира во Итната помош.
