Татко се удави откако ги спасил трите деца од давење во реката во која пливале пред несреќата.
42-годишникот ги спасил животите на своите три деца, на возраст од 8, 11 и 13 години, пред да западне во неволја во водата и да се удави, соопшти полицијата. Неговото тело било извлечено три часа по инцидентот.
Екипите на Итната помош биле повикани на оддалечена локација покрај реката Милстоун во Њу Џерси во средата попладне. Сведоците се јавиле на 911 откако забележале дека децата се во неволја во водата.
Полицијата на градот Френклин соопшти дека 42-годишниот маж влегол во водата околу 14:15 часот за да им помогне на своите деца да излезат.
Hero dad dies after saving his three young children from drowning in river https://t.co/k0oxIn6ksd pic.twitter.com/2oCfxovS54
— MirrorUSNews (@MirrorUSNews) August 3, 2023
„Жртвата влегла во водата за да помогне, ги повлекла своите деца во плитката вода, но се борела да одржи рамнотежа“, соопшти полицијата на градот Френклин.
Кога пристигнала полицијата, затекнала три деца на возраст од 8, 11 и 13 години, но не можеле веднаш да го лоцираат нивниот татко. Екипата на Итната помош веднаш ги прегледала децата кои биле во добра здравствена состојба, соопшти полицијата.
Воздушните снимки од местото на настанот покажуваат како нуркачки тимови за пребарување и спасување ја пребаруваат реката додека мештаните гледаат од брегот.
Околу три часа откако бил упатен повикот на 911, нуркачкиот тим го извлекол телото на таткото.
