Детето од Флорида, Тејлен Мозли (2), кое минатиот месец беше пронајдено во вилиците на алигатор, го удавил неговиот татко, а потоа го фрлил во езеро полно со крокодили, потврди полицијата.
Тејлен Мозли беше пријавен за исчезнат на 30 март, кога неговата мајка Пашун Џефри (20) беше пронајдена мртва во нивниот стан со 100 убоди.
Полициската управа на Флорида веднаш започна потрага по момчето и заврши само еден ден подоцна со пронаоѓање на двегодишното дете во вилиците на рептилот. Телото на Тејлен беше пронајдено на 31 март.
Инаку, езерото Маџоре е оддалечено речиси 18 километри од станот на неговата мајка, соопшти полицијата. Во потрагата по момчето учествувале кучиња, дрон и федерални и државни агенции.
Полицијата пукала во алигаторот, кој потоа го исфрлил телото на момчето, но обдукцијата потврдила дека момчето починало откако се удавило во езеро, пишува Дејли Стар.
Началникот на полицијата Ентони Холовеј потоа го коментираше страшното откритие:
„Исчезнатото дете е пронајдено во алигаторот, додека мајката е избодена до смрт. Таткото е обвинет за убиствата. Жалиме што мораше да заврши вака“, изјави началникот на полицијата.
Инспекторите, исто така, потврдија дека Пашун била избодена со нож на забава одржана за Мозли.
Портпаролот на полицијата вчера потврди дека Мозли го фрлил својот син во езерото каде подоцна детето било пронајдено во устата на алигатор.
„Истрагата е во тек и продолжуваме да ги оценуваме сите информации што ги добивме“, се вели во соопштението на обвинителството.
Таткото на Тајлен, Томас Мозли (21) е обвинет за две точки за убиство од прв степен за смртта на неговиот син и мајката на детето, Пашун.
21-годишникот моментално се наоѓа во притвор без кауција и треба да се појави на сослушување за обвиненијата на 5 мај, објави Њујорк пост.
Доказите презентирани на суд покажаа дека Мозли бил поврзан со местото на убиството преку крвав отпечаток од прст пронајден на шише за чистење, како и крвав отпечаток на чевли пронајдени во станот.
