Обилните врнежи од дожд доведоа до појава на свлечиште на патот кон Бањиче. Општина Тетово ги известува граѓаните да бидат дополнително внимателни при движење кон тој патен правец.
Од Општина Тетово информираат дека свлечиштето е резултат на нестабилното време и навлажнетиот терен, што довело до одронување на земја и камења на коловозот.
Надлежните служби и екипи веќе се на терен и активно работат на расчистување на патот.
