Поради огромната хранлива вредност што ја има сурутката, се споредува дури и со мајчиното млеко. Сурутката ја поттикнува репродукцијата на ацидофилните бактерии, кои се природен антисептик. Одлична е за диети и програми за детоксикација, бидејќи го забрзува метаболизмот.
Сурутката е течноста што останува по згрутчувањето на млекото, се добива во производството на сирење или казеин и има неколку комерцијални намени. Многу е добра и како додаток на многу прехранбени производи.
Сурутката е многу богата со магнезиум, калциум, цинк, фосфор, витамини од групата Б и амино киселини. Добро делува на коските бидејќи ги надополнува протеините, го хидрира телото и е најдобра замена за спортските пијалоци, па често се користи во бодибилдингот.
Сурутката помага за лачење на серотонин, хормонот на среќата, па затоа се препорачува на сите кои се под стрес, а добра е и за враќање на енергијата, намалување на грчеви во мускулите и нивно опуштање. Кај постарите лица, сурутката ја спречува остеопорозата, ги чисти крвните садови, ги отстранува наслагите на забите, спречува кариес и го регенерира и штити црниот дроб.
Познато е дека терапите со сурутка третираат цревни нарушувања (како што е неправилна столица), хормонски проблеми, дебелина и проблеми со циркулацијата, како што се затнати артерии.
Се консумира така што една лажица сурутка се раствора во чаша вода и се пие како додаток во исхраната.
Помага и кај следниве болести:
-Кај разни гастроентеролошки заболувања
-Воспалителни болести на цревата
-Нарушувања на апетитот и дебелина
-Болка во стомакот и Helicobacter pylori
-Кај бактериски и габични инфекции
-За третман на кандида
-Кај хипергликемија или зголемен шеќер во крвта
