Судот во американската сојузна држава Ајдахо донесе наредба за извршување смртна казна на осуденик, но казната не може да се спроведе бидејќи затворот нема смртоносна инјекција.
Американската држава Ајдахо ќе продолжи со егзекуцијата на осудениот на смрт Џералд Пизуто, иако во затворската установа каде што се наоѓа тој остана без хемикалии неопходни за смртоносната инјекција.
Државниот обвинител Раул Лабрадор добил нова наредба за егзекуција на Пикуто, чија егзекуција беше закажана за 15 декември минатата година, објави „Ајдахо прес“.
Сепак, Одделот за казни во Ајдахо не можеше да ги добие потребните хемикалии за да го погуби Пизуто со смртоносна инјекција.
Пизуто помина повеќе од три децении чекајќи смртна казна откако беше обвинет за две убиства во јули 1985 година. Тој ги убил трагачите на злато, Берта Херндон и нејзиниот братучед Дел Херндон. Пизуто има рак на простата, срцеви заболувања, дијабетес и намалени когнитивни способности, па побарал помилување.
Поделениот Одбор за помилување и условни ослободувања во Ајдахо му ја преиначи казната во доживотен затвор, но гувернерот Бред Литл ја отфрли препораката, а Врховниот суд на Ајдахо ја потврди способноста на гувернерот да го стори тоа, па смртната казна остана на сила.
Одделот за поправки во петокот му достави на Пизуто смртна наредба, а новиот датум на извршување е 23 март.
