Утрински Весник
Македонија

Судот одлучи: Притвор за напаѓачот на новинарска екипа на Алсат, куќен притвор за соучесничката

Img 20250709 wa0007.jpg

Судија на претходна постапка при Основниот кривичен суд Скопје донесе одлука за определување мерки за обезбедување присуство против две лица осомничени за нападот врз новинарска екипа на телевизијата Алсат М, кој се случи за време на пожарот во скопската населба Визбегово.

Како што соопштуваат од Кривичен суд, на осомничениот А.Н. му е изречена мерка притвор во траење од осум дена, додека, на осомничената М.К. ѝ е определен куќен притвор, откако Судот го прифати предлогот на Основното јавно обвинителство.


Двете лица се товарат за кривичното дело „спречување на службено лице во вршење на службено дејствие“ по член 382 став 3 во врска со ставовите 2 и 1 од Кривичниот законик.

-Мерките се определени со цел обезбедување на осомничените, со оглед на тоа што покрај наведеното кривично дело, обвинителството ги истражува и причините за настанување на пожарот на отпадот во сопственост на двајцата осомничени, стои во соопштението од Кривичен суд.

Можете да прочитате

Битиќи: Во ребалансот власта не дава пари за плата од 100.000 денари за пожарникарите

Ѓорѓиевски им подаде рака на угостителите: Заедно за модерен Скопје

Пенка Мукаетова именувана за нов потпретседател на Сојузот на стопански комори на Македонија