Актуелниот македонски фудбалски шампион Струга Трим Лум на три кола пред крајот на шампионатот во трката за одбрана на титулата се реши за тренерска смена. Шпетим Дуро повеќе не е тренер на македонскиот шампион. Струга ја азгуби предноста и сега е на делба на ко-лидерското место со Шкендија и Шкупи со по 58 бода, откако нареди три порази на последните пет меча од кои два во низа. -ФК Струга ја информира јавноста дека ја раскина соработката со шефот на стручниот штаб, Шпетим Дуро. Со билатерален договор прекината соработката со тренерот Дуро. Во оваа прилика, ФК Струга му се заблагодарува на Шпетим Дуро за неговиот придонес во периодот додека ја водеше нашата екипа во државното првенство и европските натпреварувања, а воедно му посакуваме многу успеси во иднина, се вели во клупското соопштение.
