Само неколку недели откако Силвестер Сталоне и неговата сопруга Џенифер Флавин ставија крај на бракот по 25 години, се појавија нови детали за неговата нова тетоважа со која ја покри таа со ликот на сопругата.
„Дејли мејл“ кон крајот на август – само неколку дена пред да биде обелоденета нивната разделба – објави дека Сталоне ја сменил својата тетоважа Флавин со нова што го прикажува неговото покојно куче што се појави и во „Роки“.
Сега „Пипл“ пишува дека Сталоне размислувал да ја смени тетоважата во Wonder Woman (жена чудо) уште минатата година.
Новите детали доаѓаат од уметникот за тетоважи Мајк Деврис, кој на Сталоне му ја направи оригиналната тетоважа Флавин во 2007 година.
Весникот го цитира уметникот, кој вели: „Веќе знаев дека сака да направи нешто бидејќи минатата година ми испрати е-пошта, ми се јави и разговаравме да ја замениме Џенифер Флавин во вондер вуман“.
