Градоначалникот на Општина Чаир, Изет Меџити, денес оствари средба со амбасадорот на Република Полска во Република Северна Македонија, Мариуш Бримаора, кој ја посети Општина Чаир по поставувањето на спомен-плочата посветена на истакнатиот полски урбанист и архитект Адолф Циборовски.
За време на средбата се разговараше за исклучителниот придонес на Циборовски во обновата на Скопје по катастрофалниот земјотрес во 1963 година, со посебен акцент на неговата заложба за зачувување на Старата скопска чаршија како еден од најзначајните симболи на урбаниот, историскиот и културниот идентитет на градот.
Меџити истакна дека оддавањето почит на личностите кои оставиле траен белег во развојот на Скопје претставува израз на благодарност, но и потврда на посветеноста за зачувување на заедничкото наследство и зајакнување на меѓународната соработка.
На крајот од средбата, градоначалникот Меџити му се заблагодари на амбасадорот Бримаора за посетата и за континуираната поддршка во унапредувањето на пријателските односи и соработката меѓу Република Северна Македонија и Република Полска.
