Министерството за надворешни работи(МНР) на Србија упати протестна нота до Амбасадата на Хрватска во Белград поради, палењето на куклата со ликот на српскиот претседател Александар Вучиќ за време на карневалот во Каштел Стари кај Сплит. -Палењето на кукла со ликот на претседателот на Србија е апсолутно неприфатлив чин, кој е во спротивност со заеднички изразената определба за целосна нормализација на односите и подобрување на сеопфатната соработка, се вели меѓу другото во соопштението на српското МНР. Во соопштението се додава дека министерот во оставка за надворешни работи Ивица Дачиќ остро го осудил палењето на куклата. Хрватските медиуми објавија дека на карневалот во Каштел Стари запалени биле кукли со ликот на претседателите на Србија и Русија, Александар Вучиќ и Владимир Путин.
