Советникот од редовите на СДСМ во Советот на општина Македонски Брод, Андреа Сиљаноски направи исклучителен гест со својот прв паушал.
Непосредно пред новогодишните празници тој реши својот паушал од општината да го подели со своите сограѓани, поточно со еден вработен во противпожарната заштита и еден вработен во комунална хигиена.
„Можеби е мал гест, но за мене е почеток на една нова пракса – вреднување на оние што секојдневно го држат нашиот град уреден, чист и безбеден. Мојот прв паушал го делам рамноправно: половина за пожарникар, половина за вработен во комунална хигиена. Верувам дека ваквите постапки мотивираат, охрабруваат и покажуваат дека трудот на луѓето е навистина ценет. Тие се огледалото на нашиот град.“ објави Сиљаноски.
