Претставници на Министерството за односи меѓу заедниците и тематски експерти одржаа состанок за изработка на Националната стратегија за интеркултурализам и општествена кохезија 2027–2032 со Акциски план. На состанокот беа разгледани целите, приоритетните области и мерките што ќе бидат опфатени во новиот стратешки документ. Шефот на Кабинетот и координатор на процесот, Шпенд Мурати, го презентираше текот на подготовката и значењето на придонесот на експертите во изработката на сеопфатна стратегија, усогласена со потребите на општеството.
Стратегијата има за цел унапредување на интеркултурниот дијалог, зајакнување на општествената кохезија, еднаквоста и учеството на сите граѓани во општествениот живот, како и промовирање на меѓусебното разбирање и почитување меѓу заедниците. Во рамките на Акцискиот план ќе бидат утврдени конкретни активности и индикатори за периодот 2027–2032 година, заедно со механизмите за нивно спроведување, следење и евалуација.
Стратегијата ќе ја изработи Министерството за односи меѓу заедниците, во соработка со Агенцијата за остварување на правата на заедниците, со професионална и техничка поддршка од Мисијата на ОБСЕ во Скопје и Канцеларијата на Високиот комесар за национални малцинства во Хаг.
