Вчера, во 14.47 часот, во Полициската станица Делчево било пријавено дека на магистралниот пат Делчево – Македонска Каменица, атар на с. Очипала, се случила сообраќајна несреќа помеѓу товарно возило „мерцедес“, со скопски регистарски ознаки, управувано од И. А. (22) од с. Студеничани, Скопско, и товарно возило „ман“, со скопски регистарски ознаки, управувано од М. И. (64) од Македонска Каменица.
„Во несреќата тешки телесни повреди добил М. И., констатирани во Клиничката болница Штип“, велат од МВР.
Извршен бил увид од екипа од Полициската станица Делчево.
