Собранието на денешната седница донесе одлука за утврдување на потребата од носење по скратена постапка на Предлог-законот за изменување на Законот за Владата на Република Македонија.
За одлуката гласаа 67 пратеници „за“, 13 беа „против“, а немаше воздржани, со што предлогот ја помина првата фаза од законодавната процедура.
Предложените измени се насочени кон укинување на досегашниот модел на техничка или преодна влада, кој се применуваше во периодите на подготовка и спроведување избори.
Со ова, се предвидува промена во начинот на организација на изборните процеси и функционирањето на извршната власт.
На овој потег на владејачкото мнозинство се противи СДСМ која ја обвинува власта за носење еднострана одлука, потсетувајќи дека ваквите измени се носеле и треба да се носат со консензус.
