Четиринаесетгодишен ученик бил повреден со остар предмет во основно училиште на подрачјето на Бит Пазар во Скопје, информираат од Министерството за внатрешни работи.
Според полициските информации, на 24 септември 2026 година во 13:00 часот во СВР Скопје, Ф.А. (43) од Скопје пријавила дека истиот ден, околу 09:00 часот, нејзиниот 14-годишен син бил нападнат од негов соученик.
Инцидентот, според пријавата, се случил во тоалет во основното училиште. Соученикот го нападнал 14-годишникот со остар предмет, при што му нанел расекотина во пределот на раката.
Од МВР засега не соопштуваат дополнителни детали за околностите и причините за нападот.
Полицијата презема мерки за целосно расчистување на случајот.
