Шокантни снимки од авионската несреќа што се случи во понеделникот во Торонто, Канада, беа објавени денеска, прикажувајќи го моментот кога авионот удира во пистата, по што избувнува пожар.
На снимките се гледа како леталото на „Делта ерлајнс“ се приближува кон земјата, но во моментот на слетување удира со зголемена сила, што предизвикува пожар и паника меѓу патниците.
Во несреќата биле повредени најмалку 18 лица од вкупно 80 патници кои биле на летот. Канадските власти веднаш реагирале, а спасувачките екипи на аеродромот брзо интервенирале за да спречат поголема трагедија.
Истрагата за причините за инцидентот е во тек, а експертите анализираат дали временските услови или технички проблеми придонеле за тешкото слетување. Очекува се дополнителни информации од официјалните служби во текот на денот.
