Владата на Словачка се извини поради гласањето во Генералното собрание на ОН за резолуцијата со која се осудува Русија, истакнувајќи дека се случила грешка.
Шефот на кабинетот на словачкиот премиер, Јурај Гедра изјави дека Братислава планирала да ја поддржи неутралната позиција на САД, но оти се случила грешка во комуникацијата. Тоа беше неуспех од наша страна. Сакаме да се извиниме за исходот и настанатото недоразбирање, посочи Гедра.
ГС на ОН на 24 февруари усвои резолуција поднесена од Украина и неколку земји-членки на Европска Унија, со која се осудуваше Русија, нејзината агресија е прогласена за кршење на Повелбата на ОН и се бараше повлекување на руските сили од Украина.
Словачката национална партија ја критикуваше Братислава и побара од премиерот Роберт Фицо официјално да и се извини на Русија и да спроведе истрага за „пропустот“. Исто така побара од шефот на словачката дипломатија да го преиспита претставувањето на Словачка во ОН.
И Србија претходно се извини за гласањето во ОН, нарекувајќи го грешка.
На крај, Советот за безбедност на ОН ја усвои резолуцијата предложена од САД, чиј коспонзор беше и Северна Македонија.
