Мариус Борг Хоиби беше уапсен минатата недела и помина 30 часа во притвор, а се соочува со една година затвор. Неговата девојка е хоспитализирана со потрес на мозокот.
27-годишниот сега ја призна вината и јавно и се извини на девојката.
„Минатиот викенд се случи нешто што никогаш не требаше да се случи. Извршив телесни повреди и уништување на предмети во станот во алкохолизирана состојба по расправија и кокаин. Имам неколку психички нарушувања, долго време се борам со злоупотреба на супстанци, поради што се лекував во минатото. Употребата на дрога и моите дијагнози не го оправдуваат она што се случи. Сакам да сносам одговорност за стореното, а ќе дадам искрен исказ во полиција. Најважно ми е да и се извинам на девојка ми. Таа не го заслужи тоа што се случи таа вечер, ниту екстремниот притисок од норвешките и странските медиуми после тоа“, рече тој.
Потоа му се извини на своето семејство кое беше многу потресено од овој немил чин.
Норвешкото кралско семејство не го коментираше случајот, а норвешките медиуми претходно објавија фотографии од станот во кој се случи инцидентот. На фотографиите се гледа нож заглавен во ѕидот и скршен лустер.
