Кинескиот претседател Си Џинпинг рече дека иднината на човештвото зависи од односот меѓу Кина и Соединетите Американски Држави.
-Благосостојбата на луѓето на двете земји, како и иднината и судбината на човештвото, зависат од тоа дали Кина и Соединетите Американски Држави соработуваат или се спротивставуваат една на друга, рече Си, пренесе кинеската централна телевизија.
Кинескиот лидер истакна дека се додека двете страни се сметаат за партнери и меѓусебно ги почитуваат интересите и мирно коегзистираат и соработуваат за заемно корисни резултати, билатералните односи ќе се подобруваат.
Тој изрази и надеж за зголемување на интензитетот на размената меѓу претставниците на сите нивоа на општеството во двете земји.
