Утринава голем пожар избувна во фабрика во Чаир каде изгоре над 100 тона пластика а има и повредени, па поради тоа, како што покажуваат мерните станици во главниот град, воздуот на делови од Скопје е умерено загаден.
Мерните станици во Центар – Ректорат и Гази Баба покажуваат зголемено присуство на ПМ10 честички во воздухот како и намален квалитет на воздухот кој го дишат скопјани.
Ваквите податоци се забележани од 10 часот утринава кога избувна пожарот и до сега не покажуваат никакво подобрување.
Поради тоа се поставува прашањето што се изгоре во пожарот и што дишат скопјани моментално? Дали има опасност по здравјето на граѓаните и дали можеби во воздухот има присуство и на канцерогени честички?
