Претседателот и канцеларот на Германија, Франк-Валтер Штајнмаер и Олаф Шолц денеска изјавија дека напаѓачот кој уби три лица и рани осум во Солинген, на западот на земјата, мора наскоро да биде уапсен и најостро казнет.
Во телефонски разговор со градоначалникот на Солинген, Тим Курцбах, Штајнмаер изразил сочувство за жртвите од нападот и изразил надеж за брзо закрепнување на повредените, соопшти кабинетот на претседателот.
Шолц на платформата „Икс“ напиша дека е шокиран поради нападот во Солинген, наведувајќи дека станува збор за ужасен чин.
