Утрински Весник
Спорт

Шешко ја режираше победата на Словенија против Норвешка

Шешко ја режираше победата на Словенија против Норвешка

Фудбалската репрезентација на Словенија ја забележа првата победа во ова издание на Лигата на нации. Словенците, во петтото коло, во Групата 4 од Б-дивизијата, ја победи првопласираната селекција во групата, Норвешка со 2.1.

dobivaj vesti na viber

Словенија, со пресврт во вториот дел успеа да ги победи фаворизираните Норвежани.

Во првото полувреме немаше голови, а потоа напаѓачот на Манчестер сити, Ерлинг Халанд во 47. минута ја искористи грешката во словенечката одбрана и го совлада одличниот Јан Облак.

Од тој момент Словенците ја презедоа иницијативата. Во 69. минута, по асистенцијата Бенјамин Шешко, израмни Андраж Шпорар, а во 81. минута Шешко го постигна вториот гол за Словенците и направи целосен пресврт.

Вечерва во оваа група Србија ќе ја пречека Шведска.

На табелата Норвешка има 10 бода, Србија е на седум со натпревар помалку, Словенија има пет, а Шведска со натпревар помалку три бода.

Во последното коло Словенија ќе гостува во Шведска, а Норвешка ќе ја пречека Србија.

Можете да прочитате

Шоу на Градски за 75. роденден на Вардар

Сара Ристовска со свој печат во „Топ 10“ од Европското првенство

По скандалот со капитенските ленти: Данска нема да гласа за Инфантино и размислува да ја напушти ФИФА