Шерон Стоун ги загрижи своите фанови кога на социјалните мрежи откри дека има тумор кој треба да се отстрани.
Таа ги повика фановите секогаш да бараат второ мислење откако добила погрешна дијагноза за која се покажало дека е голем фиброиден тумор.
Актерката на својот Твитер-профил детално опишува како била во болница, потоа пишува за грешка при операција и погрешно поставена дијагноза.
„Само што добив уште една погрешна дијагноза и неточна процедура.“
„Болката се влошуваше, отидов на второ мислење: имам голем фиброиден тумор кој треба да се отстрани“, напиша таа.
Актерката потоа испрати важна порака. „Посебно дами: немојте да мислите дека не е важно, побарајте второ мислење. Тоа може да ви го спаси животот.“
„Ќе ми требаат четири до шест недели за целосно да закрепнам. Ви благодарам на сите за грижата. Сè е добро.“
Нејзините фанови одговорија со бројни пораки за поддршка и добри желби.
