Севернокорејскиот лидер Ким Џонг Ун му испрати порака на кинескиот претседател Шји Џјинпинг по повод неговиот 70-ти роденден.
Во својата честитка, Ким Џонг Ун го пофали „енергичното лидерство“ на Шји и рече дека глобалната позиција на Кина е „исклучително зајакната“, објавија денеска државните медиуми.
„Благодарение на енергичното лидерство на Шји, престижот на кинеската Комунистичка партија е дополнително зајакнат, целта за градење на сеопфатно просперитетно општество е успешно постигната, а севкупната национална моќ и меѓународната позиција на Кина се значително зајакнати“, се вели во пораката, според Корејската централна новинска агенција.
Ким му испрати и корпа со цвеќе на Шји, кој денеска наполни 70 години.
Северна Кореја се обиде да ги зајакне врските со Кина, нејзиниот клучен сојузник и главен економски партнер, додека сè уште се соочува со меѓународни санкции поради нејзината нуклеарна и ракетна програма.
